Dili – Bankada CNRT ezije governu, aselera la-lais manutensaun ro nakroma, tanba durante tinan hat la halo movimentasaun.
Deputadu bankada opozisaun, Ricardo Baptista justifika, durante ne’e komunidade atauro la asesu ba transporte maritime.
Dadaun nee, komunidade Atauro utiliza bero kiik hodi ba mai Dili Atauro maibe labele tula sasan ho kuantidade boot.
Antes ne’e, diretor ezekutivu forum organizasaun naun govermental Timor-Leste, Valentin Da Costa Pinto mos husu ba autoridade portuáriu Timor-Leste-APORTIL atu fo esplikasaun loloos ba publiku kona-ba prosesu manutensaun ro berlin nakroma iha Surabaya-Indonesia.
Relasiona ho kestaun ne’e jornalista RTTL tenta halo konfirmasaun ho autoridade portuáriu Timor-Leste Lamartinho De Oliveira, maibe nia parte okupadu ho servisu.
(Bitu/Siso)
