Dili – Ajensia TIC Timor selebra akordu ho international tecnolojia union konaba teknologia digital.
Akordu ne’ebe selebra iha ótel melia Bali Indonesia, iha tersa feira horseik, hodi responde ba ajenda tinan 2030 ba dezemvolvimentu sustentavel.
Presidenti TIC Timor, Robertu Caetano hateten, iha akordu ne’e foka ba, infra-strutura digital, konektividade ba escolar, abilidade digital no area governu digital.
Diretora internasional teknolojia union-ITU ba asia no pasifiku, Atsuko Okuda, prontu apoio Timor Leste iha area teknolojia informasaun no komunikasaun, tamba ajensia ne’e iha esperiensia barak konaba area teknolojia.
Iha deklarasaun konjunta ne’e, itu prontu apoio nia rekursu humanos hodi fasilita servisu TIC Timor ho diak liu iha futuru.
Entretanto, iha asina deklarasaun konjunta ne’e la duransaun fixu, maibe depende ba parte rua nia konkordansia atu servisu hamutuk bainhira presija.
(Alau/Alex/Siso)
