Dili – Joven loré oan lansa livru ho titulu, Maunana Umilde i revolusionariu, iha kuartel jeneral fatuhada Dili.
Escritor Livru Maunana, Amito Qonusere Araújo hateten, livru ne’e produz durante tinan ida ho balun ne’ebe hetan kontribuisaun masimu husi Loré oan sira iha rai laran no estranjeiru.
Amito esplika, maske enfrenta dezafius oioin maibe kontinua esforsu ho espiritu voluntarismu hodi transmite historia loré nian ba publiku liu husi livru ne’e.
Brigadeiru jeneral, Cornelio Ximenes “Maunana” konsidera, ne’e hanesan parte ida hodi motiva funu nain falintil sira seluk hodi hakerek sira nia historia luta ba ukun rasik a’an nian, hodi hanorin ba jerasaun foun sira atu hatene historia Timor nian.
Membru konsellu centru nacional chega, padre Juvito Do Rego konsidera, livru ne’e importante tamba hanesan mapeamentu historiku humanu ida, hodi konta historia funu nian ba jerasaun foun.
Sekretariu estadu komunikasaun social, Mericio Juvenal Akara hateten sei kordena ho ministeriu edukasaun hodi insere historia hirak ne’e ba iha kurikúlu hodi hanorin estudante iha eskola.
(Juvenal/Siso)
