Dili – Ekonomista Timor-Leste husu ba governu atu hasa’e taxa produtu na’an manu importadu, sosis no seluk tan, tanba fó impaktu negativu ba saude Timor-oan.
Atual reitor UNPAZ, Adolmando Amaral hato’o ezijensia ne’e, tanba na’an manu importadu kahur ho aimoruk kimiku.
Iha tinan ne’e, governu aumenta taxa ba tabaku husi dolar amerikanu 50 ba 100 kada kilograma no masimidar dolar ida kada kilograma.
Bebidas açucaradas hanesan fanta, coca-cola, sankis, sprite no seluk tan kada litru dolar amerikanu tolu.
Enkuantu, autoridade aduaneira Timor-Leste hahu hasa’e taxa ba bebidas açucaradas, sigaru no transporte iha loron 1, fulan janeiru, tinan 2023.
(Bitu/Siso)
