Magazine RádiuNotisiasTetum

Tenente Leandra Gonzaga Sai Primeira Vensedora Iha Diskursu

Dili – Tenente leandra ferinda gonzaga sai vensedora, iha kompetisaun diskursu publiku F-FDTL nian.

Xefe estadu maior jeneral forsa armada, tenente jeneral Falur Rate Laek hateten, aktividade ne’e hanesan parte ida hasae koñesimentu no dezenvolve diak liu tan mentalidade militar feto sira nian, iha instituisaun F-FDTL.

Tenente jeneral Falur Rate Laek mos hasai ona diretiva ida ba gabinete jender F-FDTL hodi partesipa iha reuniaun estadu maior jeneral nian, nune’e bele dezenvolve diak liu tan servisu militar feto.

Vensedora, tenente Leandra Ferinda Gonzaga sente orgullu tamba bele hetan primeiru lugal iha kompetisaun refere.

Xefe jender F-FDTL, tenente Marquita Da Cunha hateten, kompetisaun diskursu publiku ne’e realiza ho objektivu atu hasae ofisial no sarjentu sira nia koñesimentu konaba diskursu publiku.

Kompetisaun iha diskursu publiku ne’e partesipa direita husi unidade falintil, komponente no kualtel jeneral F-FDTL ho total militar feto hamutuk 51.

Dadaun ne’e, militar feto ne’ebe ativu servisu, iha instituisaun F-FDTL hamutuk atus rua sianulu resin hát.

(Juvenal/Siso) 

 

 

Show More

Related Articles

Leave a Reply

Your email address will not be published. Required fields are marked *

Back to top button
error: !