Dili – Tribunál distritál Díli aplika medida prizaun preventiva ba arguidu ODCX ba kazu sona kanek vítima damazo guterres iha, ponte Bj Habibie.
Defensór públiku, Francisco Caetano Martins konsidera, desizaun tribunal ne’e adekuadu, tanba iha indísiu forte katak arguidu envolve duni iha kazu krime.
Ministériu públiku akuza arguidu ho krime arma brankas no krime tentativa omesídiu ne’ebé previstu iha artigu 138 kódigu penál Timor-Leste.
Kazu tentativa omesídiu ne’e, akontese iha loron hit, fulan-janeiru, tinan ne’e iha ponte Bj Habibie Bidau Lecidere.
Hafoin sona-kanek lezadu, Damazio Guterres, arguidu halai ba munisipiu Manufahi, maibé ekipa konjunta asegura arguidu iha munisípiu Manufahi, no detein iha sela PNTL caicoli durante oras 72.
Julgamento primeiru interrogatóriu ne’e prezide husi juíz singulár José Gonçalves, ministériu públiku reprezenta husi prokuradór, Napoleão Soares no arguidu hetan asisténsia legál husi defensór públiku Francisco Caetano Martins.
(Juvenal/Siso)
