Dili – Centru estudu ba paz no dezenvolvimentu konsidera, dekretu lei apoiu subsidiu dolar 200 ba uma kain, hamosu injustisa sosial hasoru povo kbi’it laek sira.
Diretor ezekutivu CEPAD Joao Boavida afirma, funsionario estado sira, kada tinan hetan ona osan decimu terceiro, maibe dekretu lei ne’e nafatin fo espasu ba sira hodi hetan subsidio ne’e.
Entretantu; governu aprova ona alterasaun dahuluk dekretu lei kona-ba apoiu uma kain ba fim do ano ho montante dolár amerikanu atus rua, no subsidiu ne’e governu fasilita ba kada familia hodi hola sasan ka material sira seluk, maibe politika ne’ebe mak governu opta maka apoiu universal katak ema hotu-hotu sei hetan.
(Bitu/Alau)
