Dili – Ekipa sekretariadu tékniku administrasaun eleitorál sei aranka ba Guinea-bissau hodi fó apoiu resensiamentu eleitorál.
Diretúr jerál sekretariadu tékniku administrasaun eleitorál Acilino Manuel Branco ba RTTL, segunda-feira ne’e hateten, tempu besik ekipa tékniku ne’ebé lideradu husi STAE sei aranka ba hala’o resensiamentu iha Guinea Bissau hodi prepara ba eleisaun antesipada parlamentár ne’ebé sei realiza iha loron 18, fulan-dezembru, tinan ne’e.
Deslokasaun ekipa ne’e, bezeia ba pedidu husi primeiru ministru Guinea Bissau, Carlos Correia ba governu Timor-Leste hodi apoiu halo resensiamentu, molok tama ba eleisaun.
Dirijente ne’e afirma, apoiu Timor-Leste nian ne’e liuhosi dekretu governu númeru 23 barra 2022 ne’ebé koalia kona-bá kriasaun unidade apoiu resensiamentu eleitorál ba iha guinea-bissaune’ebé aprova husi konsellu ministru.
Orsametu ne’ebé governu prepara ba apoiu resensiamentu eleitorál iha Guinea-Bissau ne’e hamutuk dollar amerikanu milaun ida, inklui mos apoiu ekipamentu ba resensimamentu eleitorál.
(José/Siso)
