Dili – Sekretaria estado protesaun sivil ho nia funsionariu, realiza missa requem ba vitima mortal iha kalamidade ne’ebe akontese iha loron hat, fulan abril tinan 2021.
Sekretariu estado protesaun sivil, Joaquim Gusmão hatete, selebrasaun misa requem ne’e, atu hanoin fali sidadaun ha’at nulu resin ne’ebe mate hafoin kalamidade ne’ebe akontese iha fulan abril tinan kotuk.
Governante ne’e hateten, vitima inundasaun loron 4 fulan abril tinan kotuk, hetan ona apoiu emerjensia husi governu.
Hafoin missa, ekipa protesaun sivil, lori aifunan ba tau iha semiteriu herois metinaro.
(Juvenal/Emy)
