Dili – Sekretariadu estadu formasaun profisional no empregu-SEFOPE apela ba traballador ualu nulu ne’ebe sei ba servisu iha Australia, atu labele hala’i sees husi sistema servisu.
Sekretariu estadu formasaun profisional, Alarico Do Rosario, husu ba traballador sira atu tane as dignidade nasaun Timor-Leste iha Australia.
Fámilia husi traballador, Veronica De Jesus Martins, husu ba traballador Timor-oan ne’ebe sei ba servisu iha Australia, atu hatudu komportamentu diak durante servisu.
Traballador Timor-Oan husi munisipiu Bobonaro, postu Atabae Romeo Roberto Da Silva kompromete, sei kumpre regra no regulamentu servisu iha kompañia no lei ne’ebe vigora iha Australia.
Traballador ualu nulu inklui feto nain sanulu resin hitu, hahu ohin aranka ona ba Australia no servisu iha kompanhia madek perfeksion, barlinton beris no hilwud beris, servisu iha setor agrikultura.
Dau-daun ne’e, traballador rihun rua resin mak hala’o servisu iha Australia.
(Bitu/Siso)
