Dili – Prezidente republika sei fo pose ba membru konsellu superior defeza seguransa, iha sesta-feira aban.
Primeiru ministru Taur Matan Ruak informa, membru konsellu defesa seguransa ne’e hetan nomeasaun direta husi prezidente republika Jose Ramos Horta.
Membru konsellu superior defesa seguransa nia knaar mak, atu akonsella prezidente republika ba desizaun estadu nian ba povu no nasaun.
Membru konsellu defesa seguransa kompostu husi, primeiru ministru Taur Matan Ruak, ministra negosiu estranjeiru no kooperasaun Adaljiza Magno, ministru defesa Filomeno Paixão De Jesus no ministru justisa Tiago Amaral Sarmento.
Alem de ne’e, xefe estadu maior jeneral forsas armada tenente jeneral Falur Rate Laek, komandante geral PNTL komisariu Faustino Da Costa.
Nune’e mos membros designadu husi parlamento nasional konstitui husi, deputadu Aderito Hugo Da Costa, deputadu David Dias Ximenes, diretor geral servisu nasional infotmasaun, coronel Domingos Da Câmara, Nuno Manuel Corvelho De Andrade Sarmento no Julio Tomas Pinto.
(Manuel/Siso)
