Dili – Prezidente republika sei diskute ho primeiru ministru taur matan ruak konaba kazu eis komisariu PNTL ho inisial LM.
Xefe estadu hatete, nia parte seidauk halo deklarasaun, tanba seidauk iha informasaun detallu ba kazu LM ne’ebe rai armas do ar no arma do fogu iha nia rejidensia.
Maibé, prezidente republika Jose Ramos Horta kompromete, tersa feira aban sei halo deklarasaun ba publiku relasiona ho kazu lm nian.
Entretantu, iha loron sanulu resin ualu foin lalais nee, tribunal distrital Dili deklara, liberta arguidu inisial LM, tamba konsidera buska no aprensaun ne’ebe ekipa konjunta halo ba arguidu nia residensia ne’e illegal.
Foin lalais, ekipa konjunta halo buska ba rezidensia eis komisáriu PNTL LM nia rezidénsia iha aldeia trans, suku Vatuboro, postu Maubara, no konsege identifika kilat lolon tolu ho marka M16, J3, pistola glock 19 ida, inklui rama automátika ida no munisoens.
(Manuel/Siso)
