Dili – Prezidente republika Jose Ramos Horta konsulta PLP kona-ba desizaun dekreta kalendáriu eleisaun parlamentár tinan 2023.
Vise prezidente PLP Deométrio Amaral hato’o asuntu ne’e hafoin estrutura partidu PLP hala’o reuniaun ho xefe estadu, hodi atualiza preparasaun partidu nian ba eleisaun parlamentár, iha tinan ne’e.
Iha enkontru ne’e, PLP fo mos opiniaun katak, depois de Timor-Leste nia independensia tinan 20 ne’e eleisaun parlamentar tenke la’o ho kualidade, trankuiludade, akuntabilidade no ho preparasaun ne’ebe diak.
Antes ne’e, xefe estadu mós konsulta ona ho partidu polítiku PUDD, UDT, frente mudansa, KHUNTO no PD kona-bá preparasaun partidu sira nian, molok dekreta kalendáriu eleisaun.
Alénde ne’e, STAE no CNE mós atualiza ona preparasaun sira hanesan edukasaun sívika, resensiamentu eleitorál no seluk tan ba prezidente repúblika.
(Bitu/Siso)
