Dili – Prezidente repúblika husu foin sa’e sira tau prioridade ba edukasaun laos treinu arte marsiais.
Xefe estado Jose Ramos Horta, hato’o pedidu ne’e durante dialogu ho lider arte marsiais iha palacio prezidensial segunda feira-ohin.
Jose Ramos Horta konsidera, jovens mak autor ba prosesu dezemvolvimentu, tamba ne’e presija investe ba edukasaun hodi prepara futuru nasaun ho diak.
Iha parte seluk, vice xefe estado maior jeneral F-FDTL, Coliati hateten, governu presiza kria kampu servisu ba jovem sira, hodi redus foin sa’e nia actividade ba arte marsiais.
Prezidente organizasaun IKS Silvestre Xufa haktuir, organizasaun IKS kontinua nafatin fo formasaun ba membru sira hodi kontribui ba paz.
Entretantu; atividade dialogu ne’e partisipa husi membru organizasaun IKS, PSHT, Kork no arte rituais sira seluk.
(Ancha/Alau)
