Dili – Prezidenti parlamentu nasional ho primeiro ministro diskuti planu lejislativo, iha tempo restu ba mandatu ikus tinan ne’e.
Presidenti parlamentu nasional Anicetu Guterres acualiza informasaun ne’e, hafoin audensia ho primeiro ministro taur matan ruak.
Anicetu Guterres Lopes hateten, audensia ne’e atu hatene kona ba inisiativa governu atu apresenta lei ruma hodi ajusta hamutuk ho lei nebe parlamentu nasional halo diskusaun iha mandatu ikus ne’e.
Lider orgaun lejislativo ne’e argumenta, governu presija halo kordenasaun ho orgaun lejislativo, bainhira atu apresenta tan lejislativo balu, tamba mandatu ikus ne’e la to ona tinan.
Anicetu kompromete ho tempo nebe badak, parlamentu nasional sei esforsu hodi finaliza lei hirak nebe dadaun ne’e iha meza komisaun espesiliazadas sira no inisiativa lejislasaun foun nebe sei apresenta husi governu.
(Alau/Ameu/Siso)
