Magazine RádiuNotisiasTetum

Poltrans Sujere Kareta Kontentor Halai Kalan


Dili – Polisia tranzitu munisipiu Dili husu ministeriu relevante atu kria regra, hodi kontrola movimentu kareta kontentor sira.

Komandante tranzitu munisipiu Dili, inspetor polisia Domingos Sarmentu Gama hato’o pedido ne’e, relasiona ho asidente trafegu ne’ebe kauza husi kareta kontentor sira, tanba sirkula iha tempu loron.

Tamba ne’e inspetor polisia Domingos Sarmentu Gama husu ministeriu transporte no komunikasaun presiza halo alterasaun lei sirkulasaun kontentor, hodi labele implika movimentu transporte iha tempu loron.

Antes ne’e, reprezentante povu iha parlamentu nasional husu ba ministériu transporte no komunikasaun atu labele tolera kareta tula kontentor iha tempu loron, tanba hamosu engarafamentu no asidente tráfegu.

Enkuantu, iha segunda feira semana ne’e, ontentor ida soke sidadaun ida ho motor, hodi rezulta motorista sofre kanek grave iha area Delta, dau-daun ne’e vitima halo tratamentu iha hospital nasional guido valadares.

(Bitu/Alau)

Show More

Related Articles

Leave a Reply

Your email address will not be published.

Back to top button
error: !