Magazine RádiuNotisiasTetum

Polisia Tranzitu Munisipiu Dili Rekolla Kareta At Neebe Para Iha Estrada Ninin


Dili – Polisia tranzitu munisipiu Dili rekolla kareta at neebe para iha estrada ninin, iha kapital Dili.

Komandante tranzitu munisipiu Dili inspector Domingos Sarmentu Gama informa, polisia tranzitu rekoila kareta sukata hirak ne’e, tanba tuir lei kodigu estrada la autoriza sidadaun sira para kareta iha estrada publiku no trotoar.

Komandante tranzitu munisipio Dili ne’e hateten, komando PNTL fo tempo loron sia nulu ba kareta nain atu multa dolar amerikanu atus ida rua nulu, hafoin bele entrega kareta hirak ne’e ba nain.

Inspector Domingos Sarmentu Gama apela, ba sidadaun sira labele para kareta iha estrada ninin.

Entretantu, lei kodigu estrada artigu lima nulu (50) sita katak, sidadaun sira labele halo estasionamentu no para kareta iha fatin publiku no estrada publiku sai fatin privadu.

Enkuantu, passa revista ba transporte ne’ebe viola lei kodigu estrada ba loron tersa feira semana ne’e, hala’o iha Vila Verde no Bairru Dos Grilhos.

(Bitu/Alau)

Show More

Related Articles

Leave a Reply

Your email address will not be published.

Back to top button
error: !