Dili – Komandu jeral PNTL rejista krimi eleitoral lima periodu eleisaun presidensial iha Baucau ho Díli.
Portavoz komandu jerál PNTL, superintendente xefe Armando Monteiro relata, krimi eleitoral hirak ne’e, ligadu ho perturbasaun aktu eleitoral no sidadaun balun, tenta lori ema seluk nia kartaun eleitoral ba vota.
Ligadu ho kazu ne’e, PNTL mós detein ona suspeitu nain tolu iha baucau no 25 iha Díli inklui evidensia kareta tolu ho motorizadas lima.
Nia argumenta, dadaun ne’e servisu investigasaun kriminal, prosesa ona auto nutisia ba ministeriu públiku hodi kontinua submete ba primeiru interogatoriu iha tribunal distrital Dili.
Komandu jeral PNTL rejista asidente tránzitu hamutuk limanulu ne’ebe rezulta ema nain tolu lakon vida no restu kanek todan no kanek kmaan, iha semana ida foin lalais.
(Juvenal/Siso)
