Dili – Komandu PNTL ho F-FDTL kontinua lansa servisu informasaun sekreta hodi buka tuir autor identidade falsu, iha facebook.
Segundu komandante polisia munisipiu Dili, superintendente João Sancho Pires hateten, iha nasaun RDTL laiha grupu ida maka bo’ot liu instituisaun PNTL ho F-FDTL.
Tamba ne’e, komandu rua nafatin lansa servisu informasaun polisia ho militar nian hodi kaptura autor identidade falsu ne’ebe provoka situasaun iha media social.
Segundu komandante polisia miliatar, maijor Francisco Xavier Neto, husu nafatin ba organizasaun arte marsiais no rituais sira, atu respeita servisu forsa ho polisia, iha terenu.
Foin lalais ne’e, servisu informasaun polisia ho servisu informasaun militar kaptura ona autor nain tolu ne’ebe lansa informasaun ameasa no provokativu hasoru instituisaun PNTL ho F-FDTL, iha media social.
(Juvenal/Siso)
