Dili – Komandu polisia munisipiu Dili priende motorizadas rua nulu ho kareta ida husi adeoptus argentina.
Segundu komandante polisia munisipiu Dili, superintendente polisia João Sancho Pires justifika, motorizadas hirak ne’e prende tanba hala’o konvoio maibé viola lei tranzitu no lei kodigu Estrada.
Superintendente polisia ne’e relata, motorizadas 10 kategoria utilija kanu resin, la monta espellu 6, lau uza kapasete 2, la uza sapa matrikula 3 no kareta ida viola sinais tranzitu.
Tanba ne’e, polisia tránzitu sei aplika valor máximu ba infrator sira hahu husi dolar 45 to’o atus ida ruanulu.
Adjuntu komandante munisipiu Dili ne’e argumenta, operasaun durante jogu copa mundial apoiu husi, komandu polisia munisipiu Dili UEP, UPM, UPF no sentru formasaun polísia.
Polisia tranzitu munisipiu Dili rekoila ona koima, periodo copa mundial, hamutuk dolar amerikanu rihun ida, atus hitu, sianulu resin sia, kontribui ba kofre estadu.
(Juvenal/Siso)
