Magazine RádiuNotisiasTetum

PNTL Dili Prende Motorizadas 80 Resin Hafoin Halo Passa Revista

Dili – Komandu polísia munisípiu Dili, prende motorizadas ualunulu resin, hafoin halo passa revista kalan, iha kapital Dili.

Segundu komandante polisia munisipiu Dili, superintendente João Sancho Pires justifika, motorizadas hirak ne’e prende tamba laiha asesores motor hanesan espellu, sapa matrikula, la uza kapasete no balun laiha dokumentus motorizadas.

Seksaun tranzitu sei aplika multa husi valor dolar 45 too 120 ba infrator sira.

Adjuntu komandante munisipiu Dili ne’e argumenta, numeru infratores kontinua aumenta iha kapital Dili tamba, sidadaun barak seidauk iha konsiensia atu kumpri ba lei kodigu estrada nian.

Enquantu, passa revista iha tempu kalan ho intensaun atu kontrola sasan kroat, droga inklui transporte sira ne’ebe laiha asesores no dokumentus lakompletu.

(Juvenal/Siso)

Show More

Related Articles

Leave a Reply

Your email address will not be published.

Back to top button