Dili – Komandu polisia munisipiu Dili detein estudante universitariu nain 39 inklui ema ho defisienste matan nain 12.
Estudante hirak ne’e, polisia kaptura tamba viola regras manifestasaun hodi tenta tama ba resintu parlamento nasional.
Komandu polisia munisipiu Dili, superintendente xefe Henrique Da Costa, aproxima manifestantes neebe viola regra manifestasaun hodi lori ba identifika iha eskuadra Vera Cruz.
Relasiona ho asuntu ne’e, jornalista sira tenta konfirma ho komando polisia munisipiu dili ho portavoz komandu jeral PNTL, maibe okupadu ho servisu seluk.
Dadaun ne’e, estudante no ema ho defisiente matan hirak ne’e sei kontinua submete ba prosesu identifikasaun iha eskuadra polisia Vera Kruz, durante oras sanulu resin rua nia laran.
Entretantu, tuir lei manisfestasaun, manifestante sira tenke dook husi edifisiu publiku neebe alvu ba manifestante, metru 100.
(Juvenal/Siso)
