Magazine RádiuNotisiasTetum

PNTL Dili Detein Ona Suspeitu Asaltu Sede CNRT Nain Rua

Dili – Komandu PNTL munisípiu Dili, detein ona suspeitu nain rua ne’ebe tenta asalta sede partidu CNRT.

Komandante jeral PNTL, komisariu Faustino Da Costa hateten, bainhira kazu ne’e akontese, polisia halo kedas atuasaun hodi submete kedas ba investigasaun.

Tamba ne’e, nia apela ba publiku atu hakmatek iha fatin, hodi kontribui ba paz no estabilidade periodu eleisaun presidensial.

Komandante polisia munisipiu Dili, superintendente Xefe Henrique Da Costa hateten, polísia mos prende motorizadas rua ne’ebe suspeitu sira uza.

Suspeito nain rua kapturadu tanba tenta asalta sede partidu CNRT, iha kuarta-feira kalan.

Dadaun ne’e, suspeitu sira kontinua detein hela iha sentru detensaun komandu polisia munisipiu Dili, durante oras 72 hafoin submete ba primeiru interogatoriu iha tribunal distrital Dili.

(Juvenal/Siso)

Show More

Related Articles

Leave a Reply

Your email address will not be published.

Back to top button