Dili – Komandu polisia munisipiu Dili, detein ona suspeitu nain tolu ne’ebe halo agresaun fiziku hasoru xefe suku Akadiru-Hun Juvenal Da Conceicão, iha domingo horiseik.
Komandante polisia munisipiu Dili, superintendente xefe, Henrique Da Costa relata, polisia konsege halo identifikasaun ba suspeitu nain hitu maibé detein suspeitu nain tolu iha sela.
Henrique Da Costa konfirma, suspeitu sira, komete iha kazu krime ofensa integridae fisika grave, obstusaun ba autoridade publiku, asosiasaun kriminoza no arma branka.
Konfrontu rejulta kareta lima no uma sia hetan estragus hafoin konfrontu entre joven sira iha suku Bidau Akadiruhun Dili.
Xefe suku Akadiru-Hun, Juvenal Da Conceicão konta, bainhira nia tenta hakalma konfrontu jovens sira, maibe derepente suspeitu sira halo agresaun fisiku hasoru nia, hodi rejulta kanek iha kakorok no hasan parte karuk.
Polisia prende mos evidensia hanesan, diman, katana, surik, rama ambon inklui besi kanu ne’ebe suspeitu sira uza hodi ataka malu.
Dadaun ne’e, suspeitu sira detein hela iha sela polisia munisipiu Dili durante oras 72 hafoin submete ba primeiru interogatoriu iha
tribunal distrital Dili.
(Juvenal/Siso)
