Dili – Primeira vice presidente parlamentu nasional rejeita informasaun kona viajen familia hodi hetan dezastre, iha Laklubar Manatutu.
Deptuada Maria anjelina komfirma, viajen ba Laklubar hodi hetan dezastre, laos asunto fámilia, maibe ne’e asunto kontaktu eleitoral nebe rejimentu parlamentu nasional fo dalan ba deputado sira.
Maske nune’e, deputada PLP ne’e rekoñese, karreta estadu ne’e kondús husi nia laen kaben, tamba prosesu troka motorista foun seidauk iha.
Xefe suku orlalan, Carlos José Alves fo sasin katak, primeira vice presidente parlamentu nasional nia viajen ba Laklubar atu halo kontaktu eleitoral ho eleitores sira iha aldeia Tori-Laran- Laklubar.
Autoridade komunitario ne’e, husu ba governu atu hadia estrada diresaun Laklubar, atu nunee labele akontese tan dezastre.
Asidente tránzitu, iha semana liuba, rejulta kareta hetan estragus total no vice prezidente ho nia kaben inklui oan nain rua sofre kanek grave.
Tuir informasaun katak, asidente ne’e akontese tanba rai mamar, ikus rezulta karreta baku fila ba rai naruk.
(Alau/Bito/Siso)
