Dili – Membro parlamentu nasional konsidera, aprovasaun lei rejime jurídiku seguransa sosiál ba titulares órgaun soberanu presija konsensus deptuado hotu nian.
Presidenti komisaun A parlamentar deputado Joaquin Dos Santos informa, komisaun A halo apresiasaun no propoin deit ba meza parlamentu nasional hodi debae.
Tuir nia, lejislasaun ne’e, atu aprova presija hetan konsensu husi deputado 65, tamba kada deputado iha votu ida.
Deputado Luis Robertu argumenta, bainhira deputado hotu iha konsensus bele aprova, maske mandatu hela deit fulan hat.
Maske lejislasaun ne’e, komisaun parlamentar asunto lei no justisa apresenta ba plenaria hodi debate iha jeneralidade, maibe la konsegue hetan aprovasaun, tamba deputado sira husu ba governu atu halo uluk harmonizasaun ba proposta lei refere.
Entretanto; proposta lei ne’e, governu liu husi ministerio solidaridade apresenta ba governu iha tinan 2020, hodi halo diskusaun.
(Alau/Siso)
