Dili – Bankada opozisaun preokupa, ho ezekusaun orsamentu jeral estadu tinan 2023 ho montante billaun 3 pontu ida, dolar amerikanu.
Deputadu bankada congressu nasional rekonstusaun Timorense-CNRT, Patrocinio Fernandes afirma, laiha razaun ba governu atu propoin orsamentu jeral estadu tinan 2023, tanba to’o agora ezekusaun orsament jeral estadu tinan ida nee nian, seidauk to’o metade.
Deputada bankada CNRT, Carmelita Moniz konsidera, oitavu governu laiha kapasidade ezekuta orsamentu jeral estadu tinan 2022, tanba to’o agora foin mak atinji pursentu 38.
Ministru finansas Rui Gomes informa, haree husi despeza efeetivu montante orsamentu jeral estadu 2023 ne’e la boot, tanba despeza efetiva ne’e ho montante dolar amerikanu billaun ida pontu haat.
Orsamentu jeral estadu tinan 2023 ho montante, biliaun tolu atus ida, lima nulu resin, orsamentu refere inklui ho fundu veteranu billiaun ida, no orsamentu por programa billiaun rua ne’ebe kada tinan governu aprova tuir lei orsamental.
(Bitu/Siso)
