Dili – Parlamentu nasional lamenta, prosesu implementasaun bolsa merito ba estudante melhor klasifikasaun sira.
Lamentasaun ne’e, hato’o husi, deputado sira, iha plenaria parlamento nasional, tersa-feira ohin.
Deputado Antoninho Bianco hateten, estudante barak nebe hetan valor diak, maibe lahetan bolsa merito.
Tamba ne’e, nia husu ba governu atu halo inkerito ba prosesu implementasaun bolsa merito, tamba director escola barak seidauk komprende konteudo ne’e.
Deputado Gabriel Soares hateten, prosesu implementasaun bolsa merito ne’e, mosu iregularidade iha escola sira.
Deputado Oscar De Araujo fo sasin katak, iha eskola sekundariu jeral Fernando Lasama Ainaro estudante nebe hetan valor a’as, la hetan bola merito, maibe estudante nebe iha valor ki’ik mak pasa iha prosesu ne’e.
Entretanto; bolsa merito governu atribui ba estudante nebe hetan valor diak iha escola, hodi kontinua sira nia estudo, maibe iha nia implementasaun estudante barak la pasa iha prosesu ne’e.
(Alau/Siso)
