Dili – Komisaun eventual parlamentu nasional sei esforsu hodi finaliza lei funsionamentu parlamentar.
Primeira vice presidente parlamentu nasional Maria Anjelina Sarmentu informa, revizaun lei organizasaun funsionamentu administrasaun no rejimentu parlamentu nasional hodi enquadra ho lei sira nebe parlamentu nasional foin aprova.
Tuir vice presidente parlamentu nasional katak, lei nebe parlamentu nasional altera ona mak hanesan lei jestaun finanseira ba lei enquadramentu orsamental, tamba nebe parlamentu nasional presija halo revizaun ba lei funsionamentu parlamentar hodi ajusta hamutuk.
Deputada Maria Anjelina Sarmentu komfirma, komisaun eventual ne’e kompostu husi bancadas parlamentares sira hodi halo revizaun ba lei parlamentu nasional.
Entretanto; komisaun eventual ne’e lidera husi presidente deputado Joaquin Dos Santos, vice presidente deputado Adriano Do Nascimentu no secretario deputado Antonio Nobre.
(Alau/Siso)
