Dili – Komisaun B parlamentu nasional husu komando geral PNTL atu apresenta relatorio kazu sidadaun mate iha sela ba parlamentu nasional.
Presidenti komisaun parlamentar ba asunto seguransa defeza Jose Agustinho Siqueira Somotso informa, komisaun b to’o agora seidauk hetan relatorio ruma husi komando geral PNTL kona ba kazu suicidio iha sela detensaun Dili.
Somotso afirma, maske prosesu hotu entrega ona ba seitor judisiario, maibe parlamentu nasional representa povo presija hatene mos kona ba motivu husi akontesimentu ne’e hodi hamate preokupasaun publiku nian.
Deputado Aderito Hugo Da Costa argumenta, komando geral PNTL presija pronunsia informasaun balu ba parlamentu nasional, tamba dadaun sidadaun sira sei duvidas ho kazu hirak ne’e.
Membro parlamentu nasional konsidera, konflitu nebe kontinua akontese iha capital Dili no munisipio sira hanesan teste ba servisu profisional PNTL nian hodi kontrola actu krime sira
(Alau/Siso)
