Dili – Parlamentu Nasional husu governu, rehabilita lalais dalan no ponte, ne’ebe hetan estragus tanba kalamidade iha tinan kotuk.
Deputado ne’e observa katak, dalan ligasaun Aileu – Dili husi Sarlala, sei kotu iha tempu besik, bainhira la hadia lalais.
Deputada Maria Anjelina Sarmentu husu komisaun infra-strutura atu halo fiskalizasaun ba ponte hirak ne’ebe kotu, hodi aprezenta dadus ba governu.
Maibé, deputada Olinda Guterres defende katak, ministro obras publika atual, Abel Pires, hatudo ona progresu servisu diak, tamba hahu hadia dalan no ponte hirak ne’ebe hetan estragus iha teritorio nasional.
Vice ministro obras publika Nicolau Freitas komfirma, governu halo ona kontratu ho kompaña lima hodi halo rehabilitasaun, maibe balun sei iha prosesu, komisaun nasional aprovizionamentu.
Antes ne’e, komisaun parlamentar asunto infra-strutura halo ona fiskalizasaun ba obra hirak ne’ebe hetan estragus hodi apresenta relatorio ba governu.
(Alau/Siso)
