Magazine RádiuNotisiasTetum

PN Aprova Votus Pezar Ba Saudozu João Bosco Carceres Sau’nar Ho Votus Unaminidade

Dili – Parlamentu nasional aprova votus pezar ba saudozu joão bosco carceres sau’nar ho votus unaminidade, iha plenaria segunda feira ohin.

Primeira vice presidente parlamentu nasional, Maria Anjelina Sarmentu fo sasin, saudozu João Bosku hanesan joven ativista ne’ebe aten brani hodi halo asaun protestu ba inimigo sira ba Timor-Leste nia independensia.

Tamba ne’e, parlamentu nasional iha dever atu hato’o votus pezar ba saudozu nia mate.

Deputado proponente David Dias Mandanti komfirma, saudozu João Bosco hamutuk ho joven rejistensia barak mak servisu ho aten brani iha tempo Indonesia hodi luta kontra invazaun Indonesia.

Saudozu João Bosco Carceres nia involvimentu iha prosesu luta hahu iha tinan rihun ida atu ida 89 hodi halo demostrasaun iha tasi tolu bainhira papa vizita mai Timor Leste.

Hafoin ne’e saudozu mos partisipa direta iha trazedia masakre santa krus, saudozu mos hetan orientasaun husi komando da luta hodi produs bomba atu apoiu ba falintil sira nia luta.

(Alau/Siso)

Show More

Related Articles

Back to top button
error: !