Dili – Primeiro ministro husu ba fámilia martires atu kuntinua hatutan herois sira nia luta ba libertasaun povu.
Xefe governo Taur Matan Ruak, hato’o pedidu ne’e hafoin participa iha ceremonia halot restus mortais ne’en nulu resin ualu, iha jardin dos herois da patria municipiu Aileu, kinta-feira horseik.
Taur Matan Ruak hateten, saudozu no heroi sira luta hodi liberta ona patria, tamba ne’e sira neebe sei moris, tenke luta makas hodi liberta povu husi kaik no mukit.
Familia saudozu mau-hunu, Filomena Estala sente triste tamba lakon nia aman, maibe kontente tamba nia familia sai heroi ba liberta patria.
Restus morais nebe governo halot iha municipiu Aileu hamutuk ne’en nulu resin ualu inklui restus mortais tolu neebe ema la koñese.
Iha atividade funeral restus mortais ne’e konta ho participasaun husi presidente tribunal rekursu, ministru financas, ministru assuntu compatente da libetasaun nasional, membru deputadu balun inklui familia martirs sira.
(Tome/Siso)
