Dili – Primeiru ministru konfirma, kontinua fo’o konfiansa bá membru governu sira tamba respeita prezunsaun inosénsia.
Primeiru ministru Taur Matan Ruak komfirma, nia parte respeita ba prejunsaun inosensia relasiona ho membru governu neebe halo intervensaun ba servisu autoridade servisu nasional intelijensia-SNI iha aeroportu no edifísiu SNI Kaikoli.
Ba Taur Matan Ruak, hanesan ministru interior, kontinua hein rezultadu investigasaun husi órgaun judisial núne’e nafatin depozita konfiansa ba membru governu sira.
Primeiru ministru mós laiha koñesimentu, konabá karta ezonerasaun hosi viseministru interior ba komandu PNTL hodi ezonera diretór nasional servisu nasional intelijensia, ajente xefe polísia Gastão Piedade.
(Manuel/Siso)
