Dili – Primeiro ministru Taur Matan Ruak presta sentidu kondolencia ba veteranu João Martins ho kodigo “ saruntu” iha residensia saudosu nian Beto Dili.
Saudosu veteranus João Martins “saruntu” hakotu nia perigrinasaun iha mundu iha kuarta-feira ne’e tamba moras rins no aten kanek.
Antes ne’e saudoso halo tratamentu saude iha hospital nasional Guidu Valadares durante fulan rua maibe lakonsege salva nia husik nia i’is iha horas tuku ida meudia iha nia residencia Beto.
Matebian luta ba libertasaun nasional ne’ebe sai veteranu ida tamba hetan ona kondekorasaun husi estadu Timor Leste 8 a 14, graun tolu, simu ona pensaun subtensia dolar amerikanu atus rua resin.
Saudosu veteranu saruntu moris iha Bobonaro, lour, loron 25 fulan maio tinan 1966, no mate iha loron 28 fulan setembru tinan ne’e.
Matebian nia aman naran Mateus no Inan Maria ne’ebe falesido hotu ona, no saudosu mos husik hela oan nain haat kompotu feto rua no mane rua ho nia esposa.
Entertantu, serimonia funeral ba Soudozo sarunto sei realisa iha loron 4 fulan outubro tinan ne’e, iha jardim dos herois Metinaru Dili.
(Domingos/Scos)
