Dili – Governu sei implemeta akordu millennium challenge corporation, iha área be’e saneamentu no drenajen.
Ministru presidensia konsellu ministru Fidelis Leite Magalhães hateten, komponente ne’e, tama iha akordu kooperasaun ne’ebé asina ona iha loron 19 fulan jullu tinan ida nee.
Ministru Fidelis Leite Magalhães haktuir, objetivu husi akordu ne’e, atu hamenus kontaminasaun be’e moos no be’e rai okos, ne’ebé kauza ba moras.
Tuir estimativa governu nian katak, atividade tratamentu be’e sei benefísia ema rihun 429 iha munísipiu dili no rihun 64 iha munisipiu Ermera, Liquisa No Aileu.
Tuir dadus, projetu saneamentu ne’e sei benefisia ema rihun 106 resin neebe hela iha Dili.
Enquanto; planu mestre preve katak, to’o tinan 2036 benefisia ema liu rihun 300 iha capital, no komponente be’e, saneamentu no drenajen sei iha investimentu totál hamutuk millaun dolar amerikanu atus tolu, hitu nulu resin rua.
(Domingos/Scos)
