Magazine RádiuNotisiasTetum

PM Deklara Greater Sunrise Tenke Dada Mai Timor Leste


Dili – Primeiru ministru Taur Matan Ruak deklara, greater sunrise tenke dada mai Timor Leste.

Primeiru ministru Taur Matan Ruak, hatoo deklarasuan nee, hafoin atualija servisu ezekutivu ba prezidete repúblika, José Ramos Horta, iha palasiu presidensial Díli, ohin.

Taur Matan Ruak komfirma, dau-daun ne’e autoridade nasional petrolium no minarais no kompaña timor gap halo hela servisu makas atu dada greater sunrise mai Timor Leste.

Maske, kompaña internasional woodside defende kanalijasaun kadoras ba Australia.

Entretantu, governu timor leste finalize ona transferénsia pagamentu millaun atus neen, lima nulu ba asaun partisipasaun hamutuk ho conocophillips no shell energy ba atividade petrolífera iha kampu greater sunrise.

Tanba ne’, Timor-Leste ba oin kontrola ona asaun porsentu lima nulu resin neen ba kampu greater sunrise liu hosi kompañia estatal timor gap-ep.

Iha konsorsiu ba sosa asoens grater sunrise, partisipasaun kompaña conocophillips iha asoens porsentu tolu nulu, kompañia shell austrália iha partisipasaun porsentu rua nulu resin neen, pontu lima nulu resin neen.

Enquanto, Timor Leste nia partisipasaun iha porsentu lima nulu resin neen, pontu lima nulu resin neen husi konsorsiu refere.

(Manuel/Siso)

Show More

Related Articles

Back to top button
error: !