Magazine RádiuNotisiasTetum

Parlamentu Nasional Aprova Loron Nasional Liberdade Imprensa

Dili – Parlamentu nasional aprova ho votus unaminidade resolusaun número 95/v hodi defini loron 16 outobru sai loron nasional ba liberdade imprensa.

Presidenti parlamentu nasional Anicetu Guterres hateten, projetu rejolusaun ne’e deputado sira aprova iha parlamentu nasional, tamba hetan rekerimentu husi presidenti konsellu imprensa iha komemorasaun loron mundial liberdade imprensa foin lalais ne’e.

Vice presidenti parlamentu nasional Maria Anjelina Sarmentu informa, estado Timor Leste iha dever atu dekreta loron nasional ba liberdade imprensa hodi dignifika jornalista sira nia kontribuisaun ba Timor-Leste nia indepedensia.

Sekretario estado komunikasaun sosial Mericio Juvinal Akara deklara, governu prontu kolabora ho parlamentu nasional no orgaun komunikasaun sosial sira atu sosializa loron ne’e nudar loron liberdade imprensa.

Parlamentu nasional no konsellu imprensa deside loron 16 fulan outubro sai loron nasional ba liberdade imprensa tamba jornalista nain lima husi australia hetan tiru husi militar Indonesia iha momentu neba bainhira halo kobertura ba indonesia Imvade Timor-Leste.

(Alau/siso)

Show More

Related Articles

Leave a Reply

Your email address will not be published.

Back to top button