Dili – Misaun observasaun eleitoral husi CPLP kongratula autoridade Timor Leste tamba servisu ho livre no transparante durante eleisaun prezidensial periódu 2022-2027.
Observasaun ne’e, hato’o husi embaixador itinerante repúblika Angola, Jose Guerreiro Alves Primo, liu husi konferensia imprensa ne’ebe realiza iha hotel novo turízmu, kuarta feira ne’e.
Jose Guerreiro Alves Primo afirma, observadores husi nasaun membru CPLP la identifika faillansu durante eleisaun to’o prosesu kontazen husi nivel suco to’o nasional.
Nia akresenta, durante eleisaun observadores CPLP kopera diak ho sekretariadu tékniku administrasaun eleitoral no orgaun eleitoral sira seluk.
Entretantu, misaun observasaun eleitoral husi CPLP estabelese ekipa lima, iha ne’ebe ekipa rua iha Dili, ekipa ida iha Baucau, Ermera no Manatuto.
Ekipa hirak ne’e hala’o observasaun direita ba sentru votasaun walu nulu resin hat.
(Jp/Siso)
