Dili – Ministra saúde Odete Belo deklara, mantein osan ba sosa ai-moruk iha orsamentu jeral estadu tinan 2023, tanba ne’e husu ba SAMES atu jere ai-moruk ho máximu.
Diretór ezekutivu servisu autónomu medikamentu no ekipamentu saúde-SAMES Santana Martins hateten, problema ne’e akontese tanba implika husi orsamentu jerál estadu tinan 2022, ne’ebé aloka ba SAMES la sufisiente hodi kompra aimoruk tuir tárjetu ne’ebé iha.
Santana Martins, husu ba dirijente autoridade saúde inklui parte relevante sira atu tau iha konsiderasaun, hodi aloka orsamentu sufisiente iha orsamentu jeral tinan 2023.
Ministra saúde, Odete Belo afirma, sei la aumenta orsamentu hodi sosa ai-moruk.
Governu aloka orsamentu millaun lima pontu haat dolar amérikanu, hodi sosa aimoruk iha periodu tinan 2022 no iha oge 2023 mantein montante ne’e hodi kontinua sosa ai-moruk.
(Sergio/Siso)
