Magazine RádiuNotisiasTetum

Ministeriu Justisa Fo Prazu Fulan Hitu Ba Partidu Politiku Haat, Atu Kompleta Nia Dokumentus

Dili – Ministeriu justisa fo prazu fulan hitu, ba partidu politiku haat, atu  kompleta nia dokumentus.

Diretor geral servisu rejistu notariadu, Crisogno Da Costa Neto komfirma, partidu politiku foun haat ne’ebe hetan indeferimentu, tenke hakas an hodi kompleta dokumentus antes iha tinan ne’e.

Ezekutivu ne’e haktuir, prazu ba partidu foun haat ne’e, sei too fulan outubru tinan ne’e, atu kompleta sira nia dokumentus antes ba rejista iha tribunal rekursu hanesan partidu politiku.

Nia haktuir, entre partidu politiku foun lima ne’e, partidu Os Verdes De Timor mak pasa ona no hein deit ba rejista iha Tribunal Rekursu.

Kriteeria minimu ba partidu politika foun tenke prensia apoiantes rihun rua nulu resin lima, enkuantu ba munisípiu tenke to’o rihun ida.

Partidu politiku foun lima ne’ebe aprejenta dokumentu ba diresaun nasional rejistu notariadu atu hetan legalidade hanesan partidu patifor, Os Verdes De Timor, Partidu Dezenvolvimentu Sosial, Fitun no Partidu Unidade Nasional.

(Manuel/Emmy)

Show More

Related Articles

Leave a Reply

Your email address will not be published.

Back to top button