Dili – Ministeriu interior ho komandu jeral PNTL no parseiru sira, kontinua diskuti planu prioridade PNTL ba tinan 2023.
Vice ministru interior, Antonio Armindo hateten, ministeriu iha programa prioridade tolu importante hanesan seguransa nasional, boa governasaun no jender inkluzaun ne’ebe kada tinan implementa iha instituisaun PNTL.
Tuir planu estratejiku PNTL nian, tinan 2023 maka hadia infraestrutura, sosa ekipamentu, formasaun no treinamentu ba membru polisia sira.
Segundu komandante jeral PNTL, komisariu Mateus Fernandes agradese ba parseiru internasional ne’ebe apoio ona polisia nasional Timor-Leste hodi instala sitema kontrolu PNTL no kapasitasaun rekursus humanus.
Enquantu, kolokiu nasional ne’e partesipa masimu husi estudante, komandante unidade no komandante polisia munisipiu sanulu resin tolu inklui RAEOA.
(Juvenal/Alau)
