Dili – Membru oitavu governu konstitusional desidi sei la simu subsidiu dolar amerikanu atus rua iha fim do ano.
Asunto ne’e aprezenta husi portavoz governu Fidelis Leite Magalens liu husi konkordansia entre membru governu sira iha reniaun konselu ministru iha kuarta-feira horseik.
Ministru Fidelis Leite Magalens esplika, primeiru ministru husu mos ba membru governu sira atu iha konsiensia labele simu subsidiu dolar atus rua iha fim do ano.
Foin lalais ne’e governu aprova alterasaun dahuluk dekreitu lei numrru 37/2022 kona ba apoiu uma kain, fin do ano ho montante dolár amerikanu atus rua.
Apoiu subsidiu ne’e kada familia hodi hola sasan ka material sira seluk, maibe politika ne’ebe mak governu opta maka apoiu universal.
Entertantu; orsamentu apoiu pontuál ba uma kain governu preve kuaze miliaun nen nolu dolares amerikano.
Enquanto; uma kain sira ne’ebé rejista ona iha livru rejistu uma-kain nian iha suku ida-idak, hahu husi loron 28 fulan fevereiru tinan 2022 maka hetan direitu ba subsidiu fim do ano.
(Domingos/Ansa/Alau)
