Dili – Presidente komisaun B parlamentu nasional konsidera, osan millaun ida resin ne’ebé membru KHUNTO tenta lori ba Indonezia, hanesan krime organizadu.
Presidente komisaun B parlamentu nasional, José Argustino Siqueira Somotxo argumenta, bainhira sidadaun ida lori osan ho montante liu rihun 10, tenke iha deklarasaun husi banco sentral.
Somotxo esplika, presiza deklarasaun husi banco, nunee, labele iha deskonfiansa ba finansiamentu terrorismo no kontra bandu.
Nia argumenta, membru governu nain tolu ne’ebe halo intervensaun ba servisu intelijensia, konsidera komete krime obstrusaun ba autoridade.
Tuir Somotxo, iha kodigu pena artigu 243 hateten, ema ne’ebe halo impedimentu ba servisu autoridade publika nian maka sei hetan kastigu tinan rua to’o tinan ualu.
Presidente komisaun B parlamentu nasional ne’e husu ba servisu nasional intelijensia, servisu informasaun polisia no polisia sientifika investigasaun kriminal, atu buka desmantela rede krimi organizadu sira iha Timor Leste.
(Juvenal/Alau)
