Dili – Tanente reformadu F-FDTL jeneral Lere Anan Timur ofisialmente seidauk anunsia, pakote atu kompete, iha kongresu partidu FRETILIN.
Tenente jeneral reformadu, Lere Anan Timur hato’o deklarasaun ne’e hafoin partisipa, iha lansamentu livru “Maunana umilde no revolusionario” iha kuartel jeneral Fatuhada Díli, tersa feira horseik.
Tuir Lere Anan Timur, laiha rajaun atu limita Lere Anan Timur tama iha estrutura partidu FRETILIN nian, tamba Lere hanesan membru komite sentral segundu jerasaun nian ne’ebe eleitu iha fulan marsu tinan rihun ida, atus sira-81 liu husi primeira konferensia nasional.
Lere argumenta, seidauk iha konferensia seluk hodi disolve estrutura primeira konferensia nasional nian.
Tamba ne’e, laiha dúvida ba nia atu partesipa iha kongresu FRETILIN nian ne’ebe sei akontese iha fulan setembru tinan ne’e.
Membru komite sentral FRETILIN segundu jerasaun ne’e promte sei hasoru malu ho presidente partidu FRETILIN Francisco Guterres Lú-Olo ho sekretariu jeral FRETILIN Marí Alkatiri, hodi aseita ba nia pakote.
Lere Anan Timur garante, kongresu FRETILIN sei lao iha situasaun hakmatek no paz nia laran hodi hadia partidu FRETILIN.
(Juvenal/Siso)
