Dili – Sosiedade Sivil Lao Hamutuk preokupa, orsamento jeral estadu 2023 nia montante boot maibé la fo benefisiu ba povu.
Kordenador ba luta hamutuk, Celestino Gusmão hato’o asuntu ne’e, iha konferensia imprensa, iha salaun luta hamutuk Bairo Pite Dili, kuarta feira ohin.
Celestino Gusmaun hateten, submisaun neebe hato’o ba parlamentu nasional, hakarak kontribui ba avaliasaun no diskusaun orsamentu geral estadu tinan 2023 tenke sustentavel no tuir nesesidade povu nian.
Peskizador lao hamutuk, Mariano Fereira informa, ezekusaun orsamentu ninia alokasaun boot liu ba salariu vensimentu no bens servisu kompara ho kapital dezemvolvimentu.
Iha parte seluk, ekonomista UNDIL Filipe Da Silva hateten, alokasaun orsamentu ba tinan 2023 la efetivu tamba tempu limitadu tebes atu implementa programa.
Lao hamutuk husu ba parlamentu nasional atu hametin prosesu avaliasaun programa atu asegura iha benefisiu ba povu.
(Ancha/Ameu/Siso)
