Dili – Laboratóriu nasionál saúde foti amostra bee, atus rua, hat nulu, resin ida, hodi halo teste kualidade.
Direitora toxikolojia laboratóriu nasionál saúde, Merita Monteiro hateten, teste laboratoriu la identifika buat ruma maibe detekta deit flora normal neebe moris iha ambiente be nian.
Amostra hirak ne’e, mai husi munisípiu no kompañia sira ne’ebé eziste iha rai laran.
Organizasaun mundial saúde apoiu, péritu sira husi Indonézia hodi fó treinamentu ba tékniku sira hosi nasional to’o munisípiu kona-bá utilizasaun mákina teste kualidade bee no foti amostra.
Formasaun ne’e, atu aumenta koñesimentu foti amostra ho lolos antes lori ba laboratoriu nasional hodi halo teste.
(Sergio/Siso)
