Dili – Labarik ida sofre moras hidrocefalia ka ulun fatuk bo’ot, baixa dala haat ona, iha óspital nasional, maibe seidauk bele kura.
Pasiente nia inan, Ana Natalia Pereira haktuir, nia oan mane sofre moras ulun fatuk boot, bainhira ho idade semana ida, tanba nee, lori kedas ba óspital nasional maibe to’o agora laiha mudansa.
Feto faluk ne’e, ho laran triste, husu pessoal saúde sira atu buka alternativa hodi salva nia oan nia vida.
Diretor klínka hospital nasional guido valadares, Marcelino Correia konfirma, médiku sei observa kondisaun bebé molok foti desijaun ba estatutu pasiente.
Dadaun ne’e, pasiente ho idade tinan ida fulan haat, kontinua baixa iha sala pediatria hahu segunda-feira semana ne’e.
Durante ne’e, spital nasional rejista ona kazu hidrocefalia ka moras ulun fatuk boot nain sanulu, nain tolu transfere ba rai liur, seluk rekuperadu no nain lima mate tanba tratamentu tarde.
(Andre/Siso)
