RTTL, Baucau : Relasiona ho kustu tratamentu sertidaun iha parókia Venilale ne’ebé kada sarani tenke selu dolar 30 ($30) hafoin renova sertidaun batizmu, Amu Vigáriu dioseze Baucau, padre Dionisio Soares konfirma, sarani iha Venilale sei la selu tan dolar 30 bainhira trata sertidaun.“Ba oin sertidaun hotu-hotu nia presu maka $5, ba hirak ne’ebé atu hadi’a sertidaun halo rekerimentu ho $2, maibé hakarak ka lakohi $30 ne’e para ho ida ne’e no sei la akontese tan” Amu promete.
Relasaun ho sarani parókia Venilale nia preokupasaun kona-ba kustu sertidaun, daudaun ne’e Kartóriu Venilale suspende nia atividade durante semana ida no sei loke hikas ba públiku hafoin fó formasaun ba funsionáriu iha kartóriu kona-ba kritéria ne’ebé dioseze aprova.
“Iha dia 20 Agora sei fó formasaun, atu nune’e hahalok sira ne’e labele akontese tan, tuir de’it regra ne’ebé diocese fó sai ona” Amu vigáriu esklarese.
Reportajen : Pedro Almeida, jornalista destakadu Baucau (110822)
Notísia relevante, hanehan link iha kraik okos ne’e :
