Magazine RádiuNotisiasTetum

Konsellu Ministru Sei Halo Diskusaun Ba Dekretu Governu


Dili – Konsellu ministru sei halo diskusaun ba dekretu governu ne’ebe fo livre ba sidadaun Indonesia halao viajem tama iha teritoriu Timor.

Vice ministru interior Antonio Armindo konfirma, ministeriu interior apresenta ona proposta revogasaun dekretu governu numeru 25/2019 ba gabinete primeiru ministru hodi ajenda ba diskusaun iha konselu ministru.

Tamba, rezolusaun governu refere fo benefisiu liu ba sidadaun Indonesia bainhira halao viajem tama iha teritoriu nasional livre husi visa.

Maibe, sidadaun Timoroan ne’ebe halao viajem ba Indonesia ho visa on arival tenke selu visa ho montante dolar amerikanu tolunulu resin lima kada ema ida.

Governante ne’e argumenta, bainhira rezolusaun nee hetan aprovasaun iha konsellu ministru maka servisu imigrasaun sei implementa selu visa ba sidadaun Indonesia sira.

Tuir dekretu governu Timor-Leste numero 25/2019 loron 18 fulan setembru tinan 2019, ne’ebe implementa iha loron 26 fulan setembru tinan 2019 fo livre visa turista ba sidadaun Indonesia ne’ebe tama iha teritoriu nasional.

(Juvenal/Siso)

Show More

Related Articles

Leave a Reply

Your email address will not be published.

Back to top button
error: !